Transcription
1
Monseigneur, les rebelles de Mollines mo[n]strent avec leurs adherantz
2
estre de plus en plus obstinez à la desobeissance quilz ont commise et
3
commettent de jour à aultre audit lieu contre sa majesté, votre auctorité et de
4
messeigneurs de la souveraine cour comme je vous suplie veoir par
5
la copie cy enclose de la lettre que le curé dudit lieu ma envoyé, oultre
6
laquelle jey esté ce jourdhuy adverti que Columbin et un nommé
7
Ardisson de la vile vielhe, avec leurs complices (avoir premierement
8
passé par la valée de Queyras et montaigne de La Croix , arrivez
9
au fort de son haultesse appellé la Tour de Myrabouc quil a
10
faict faire en teste des valez de Benby et Engrongne à leur frontière
11
et pied dicelle montaigne en lieu limitrophe), y ont tué ung
12
soldat de la garde dicelle ; et aultres mont depuis dict en
13
continuation de ce y avoir esté faicte plus grande violanse.
14
Si que aprandz aultre choze, je vous en advertirey tous affères
15
postpousez. Vous remerciant très humblement au nom de ce votre
16
povre et très obeissant peuple du briançonnois qui, avec moy, priera
17
Dieu pour votre prosperité en contemplation de ce que votre auctorité
18
leur souhète et peult beaucoup pour leur soulagement, comme
19
ilz ont de long temps congneu et leur ay faict dernierement
20
congnoistre quand jeuz receu celle quil vous pleut menvoyer
21
de la reception de leurs doleances que je vous avoys mandé.
22
Et silz ne peulvent aultre choze faire vous demeureront de plus
23
fort obeissans, comme je serey toute ma vie en tout ce que
24
nous congnoistrons vous estre agreable, d’aussi bon cueur
25
que nous vouldrions très tous deçà que la craincte que
26
lesdits rebelles ont destre courus par votre commandement
27
(et pour ce se fortiffient de jour à aultre audit Mollines) fust
28
à bonyssiant et comme je prie le Createur vous donner
29monseigneur, en prosperité vie longue. De Briançon, ce VIe de [barré : j ] febvrier 1574.
30
Votre très humble et très obeissant serviteur
31
Chalhol